Kanda kuri izi bouton zo hasi usangize abandi iyi nkuru

Mpayimana Phillipe wari umwe mu bakandida biyamamarizaga kuyobora u Rwanda muri Manda ya 2017-2024 ntabashe kwegukana uyu mwanya, yashyize hanze indirimbo yifuriza Noheri Nziza n’umwaka mushya muhire abamushyigikiye.

Iyi Ndirimbo Mpayimana yise “Bonne Anne”, yahimbwe na Ndagijimana François uzwi cyane ku izina rya filosofe, akaba ari umwe mu bari bamushyigikiye igihe yiyamamazaga.

Mpayimana wagize amajwi 0.73% mu matora aheruka, yagize ati” Muri izi mpera z’Umwaka nifuje gushimira abanshyigikiye mu matora, mbatura iyi ndirimbo.”

Mpayimana kandi yatangaje ko urugendo rwe muri Politike rutahagaze, ngo kuko mu matora y’Abadepite ateganyijwe umwaka utaha aziyamamaza.

Ati” Nzageza ku baturage gahunda yanjye ya Politike, abazayishima bazanshyigikira bampundagazeho amajwi.”

Mpayimana ubusanzwe ni umwarimu, akaba umusizi ndetse n’umwanditsi w’ibitabo.

Uyu mugabo usanzwe ari n’umunyamakuru, yavuye mu gihugu cy’Ubufaransa umwaka ushize aza kwiyamamariza umwanya wa Perezida wa Repubulika, mu matora yabaye muri Kanama uyu mwaka.

Umuhanzi wamuhimbiye iyi ndirimbo, yise ” Bonne Anne, ni nawe wari wamuhimbiye indirimbo yifashishaga mu kwiyamamaza.

Iyo ndirimbo akaba yari yayise ” Indi ntabwe ya demokarasi n’iterambere.”

Kanda kuri izi bouton zo hasi usangize abandi iyi nkuru

Leave a Reply

Your email address will not be published.