Now Reading
Umuriro wahitanye abantu barenga 60
0

Umuriro wahitanye abantu barenga 60

by MENYANIBI2 months ago

Abategetsi bo mu gihugu cya Portugal bavuze ko umuriro w’ishyamba wahitanye abantu barenga 60 hafi yagace ka Coimbra.

Benshi bapfuye igihe bageragezaga guhunga akarere ka Petrogao Grande kari ku birometero 50 uvuye i Coimbra.

Leta iravuga ko bahungaga bari mu modoka zabo. Abatabazi bazimya umuriro bari mu bantu 59 bakomeretse.

Ministri w’intebe Antonio Costa yavuze ko uyu ari umuriro w’agasozi ukaze kurusha iyindi Portugal yahuye nayo mu myaka mike ishize.

Umubare w’abahitanywe n’iyi nkongi y’umuriro ushobora kwiyongera, naho ibitangazamakuru byo muri Portugal biravuga ko kuzimya uyu muriro bitari hafi nubwo bwose hafi abazimya umuriro 600 bari mu gikorwa cyo kugerageza kuwuhagarika.

About The Author
MENYANIBI

Leave a Response